Kalendari poetik: Vladimír Holan (1905-1980) / Përgatiti materialin Maksim Rakipaj

Vladimir Holan

Kalendari poetik: Vladimír Holan (1905-1980)

Poeti i njohur çek, Vladimìr Holan, u lind më 16 shtator 1905 në Pragë, ku studioi për drejtësi dhe letërsi. Pas Luftës II Botërore u bë antar i partisë komuniste, por rrreth vitit 1950 u largua nga partia dhe përqafoi katoliçizmin. Nga ai çast u tërhoq nga çdo veprimtari publike, në një farë mënyre, u muros për së gjalli, vetëm me librat; pas luftës I botërore, pas tmerreve të nazizmit, stalinizmi qe i padurueshëm për shpirtin e poetit. Është e fuqishme dhe njëherësh e brishtë poezia e Holanit. Ja njëra prej tyre:

RINGJALLJA

Është e vërtetë që pas kësaj jete do të na zgjojë
buçima e burive?
Ndjemë Zot, por më ngushëlluese do të jetë
që kur të ringjallemi nga vdekja
thjesht të na lajmërojë kikiriku i këndezit.

Pastaj edhe një hop shtrirë do të rrimë…
E para që do të çohet
ka për të qënë Nëna…Do ta ndjejmë
kur të ndezë zjarrin pa u ndjerë,
ngadalë do të verë mbi sobë tenxheren,
nga rafti çajnikun do të nxjerrë.
Sërish në shtëpi dhe një herë.

 

© shqipëroi Maksim Rakipaj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s