Në majë të gishtave më pëlqente të ngrihesha,
deri sa të të arrija ty.
Mbi selvitë do të doja të ngjitesha
mes halave, në majë.

Dhëmbja e duarve të më bëhej ledhatim
të të fërkoja tëmthat ty
dhe mbi flokët e thinjur të të lija
erëmimin e drethkës së freskët.

Trupin e plakur do të doja
me bisqe të blertë ta mbuloja
dhe mbi fytyrën e dashur me rrudha,
puthje të ngrohta të lija.

Të mbështillesha qark teje me dashuri,
ashtu si bëja gjithmonë;
do të të jepja aq shumë dhëmbshuri
ashtu si ti e meriton.

© shqipëroi Maksim Rakipaj