Poezi nga Rami Kamberi

Poezi nga Rami Kamberi

 

MË THUANI – O’HEE!

Më thuani – O’hee!
Ju plisa mali e plisa fushe e plisa kullash e qytete
A na mbet – At’dhe!
Për emrin e gjakut e flamurit, dhe për këngë jete

Si tokë e Thotit, me dashni e lumni të mbjellë
Me bebëza fisnikërie e me sy, që e pinin qiellin
Bardhësi me krenari jete e më e bukura pjellë
Perandori lirie, që dritë përjetësie e pat diellin

Më thuani – O’hee!
Ju plisa, që botën e keni në sy, përtej lirisë
A na mbet – At’dhe!
Për emër të gjakut e për sytë jetë të Ilirisë;

 

UJËVARËN E LUMIT, LOTI I VDEKUR…

Me dy sytë e mi e kam prekur
Në dhimbjen e plagëve të syve malësi
Ujëvarën e lumit, loti i vdekur
Lidhur për qerpikët e odeonit, zani Iliri

Shfletuar ja kam, rrudhat e ballit, nën dashni e dhe
Me bebëzat e shpirtit të maleve e të gurrës gur
Përtej fjalës së pa shkruar: mote e kohë e At’dhe
Qiell i pa shkelur e liri jete, mbetur shipe n’flamur

Me dy sytë e mi e kam prekur
Si lindjen time, në dhimbjen e plagëve liri
Ujëvarën e lumit, loti i vdekur
Nën hirin, të plakur Iliri e nën hirin, Shipni!

 

NGA QIELLI, I SHTATË…

Tinza mbi retë e nënqiellit
Xhindet e qepin, pëlhurën e barkut të tokës
Hajmalitë me dritë t’diellit
Lidhen nyje, si perri djalli nëpër qafë t’kokës

Nga qielli i shtatë, perënditë i vështrojnë me sytë e hënës
Damkat e balleve nëpër majat e piramidave, të djallëzisë
Nga shkuli i tokës së tretë, xixat u japin prush syve t’nënës
T’i shikojnë yjet e humbur nëpër terrin, jermi e përjetësisë

Tinza mbi retë e nënqiellit
Si xhindet edhe hyjnitë, barkut t’tokës ja qepin pëlhurën
Hajmalitë me dritë t’diellit
Lidhën nyje, si perritë e djallit, kur ja qepin shtatit lëkurën.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s