Sikur fshesa të ishte piano / Nga: Alda Taçe Shpata

Sikur fshesa të ishte piano

 

Nga: Alda Taçe Shpata

Fshesa është femër, nuk po lodhem të gjej lidhjet, konfigurimet mbi mitet androgjene duhet ta përjashtojnë fshesën .
Ajo vajzë ua kalonte zonjave të cilave u shërbente . Vështrimi i qartë , lëkura e bardhë , flokët pis të zinj , pa llogaritur linjën , bustin dhe vithet , të gjitha këto bashkë me fshesën ndërtonin metamorfozën . Me onomatopenë e kalonte kufirin mes gjinive yshtja .
Ajo ishte femër .
Zonjat ia kishin frikën fshesës. Madje fshinin pisllëkun , ose nuk prodhonin pisllēk vetëm për mos ta parë të përkulur atë elegancë fshese . Pastronin pa klas , në mënyrë tepër banale , vetëm për t’ua fshehur burrave të tyre pamjen .
Dëshira nuk ka status.
Ajo grua me fshesë kqyrej nga dhjetë palë sy njëherësh . Gratë e burrave parehatinë e shkaktuar nga ekzistenca e saj e ndienin dhe në dihatjet e orëve të vona .
Ngatërrimi i identitetit gjinor prodhonte frikë mes tyre , nuk dihej deri ku shkonte rivaliteti dhe dëshira .
Burrave u rrinte mbi xhaketë e mendime sa herë që donin ujë .
E kishte trazuar botën me veprimet e saj tē thjeshta , fshinte shkallët e papastërtitë .
Parmakët dhe mermeri e kishin gjendjen e tyre të shkēlqyeshme nën këmbët e saj .
Ajo nuk mund të ngrinte sytë hipnotizues , kishte krijuar një lloj bindje të thjeshtë se gjendja e saj hormonale kërkonte . Ajo vajzë i kishte stërvitur mirë gishtat mbi fshesē duke duruar mbi sytë e ujtë fyerjet dhe dëshirat që i pulsonin nën puplinë .
Nuk kishte vënë asnjëherë vëth perle si në librin që dhe i përkiste disi .
Gratë deri në një masë dhe e duronin .
Sa shtriheshin mbi satenët e hekurosur prej saj dridheshin , këputja u vinte si nën gjunjë .
Kulmin arrinte në veshët e tyre “fësh-fëshi ” fshesës .
E torturonin me mendje , e lodhnin , e djersitnin , e shembnin të pafuqishme në tokë .
E vishnin me zhele në fantazitë e tyre dhe e zhvishnin të dërrmuara .
Tē fshish plehrat me personalitet dhe hir , të të pērplasin mbi tastierë për të gjëmuar zhurmë a mund të quhet funksion ?
Shqisat nuk kanë gjini .
Ajo mund mos të ishte ajo , mund të ishte çdo femër e zakonshme që fshin. Gratë e burrave me kuptim të hapur mund dhe mos të mendonin për të .
Mund t’i eleminonin me mendje të gjitha hapësirat që ajo zë . Mund të bënin çfarë të mundin për të zhbërë dhe atë pjesën fort të ndjeshme të tyre .
Nuk munden .
Dhe ta zhdukin e ta fshijnë me kujdes ajo vishet me të bardha dhe bën muzikë

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s